تجربتي مع ضمير طبيب

اليوم سأحكي عن تجربة شخصية بهدف النظر علي الإيجابيات في حياتنا اليومية وهي كالاتي :
رحت لدكتور عظام بمجموعة من التحاليل والأشعة  كان طلبهم مني طبيب اخر بس نتيجة لانتشار الكورونا كان في اجازة
أنا عاملة حظر ليا ولأسرتي وقاعدين في البيت، لذلك قررت انزل بمفردي في كشف سريع
اول ما دخلت العيادة كان في واحد شغال يكح  والسكرتارية بتبص عليه نظرات تربص وشكلها بتشتمه في سرها 🤐🤐.. قولت الحمد الله قدرت اقتنص كمامة بعد البحث عليها في اكثر من ٥ صيدليات في طريقي . لبستها وقولت برضوا زيادة حذر اروح اقعد في الصالة التانية (قال يعني ناصحة 😷😂) دقايق وانا بحاول أتأقلم  علي الكمامة علي وجهي لكن في الاخر مقدرتش اتحملها حاسيت بضيق تنفس منها فقررت اشيلها قولت انا كده كده في امان بيني وبين الناس في الصالة الاولي حوالي ٣ متر  .. وبمجرد ما رفعت الكمامة من علي وجهي وبدات حالة من الكحة غريبة لاقيت الناس بتبص عليا والسكرتارية عايزه تقولي هو انت منهم 🤒🤒 لكن الحمد الله قدرت أسيطر عليها وخلصت الكحة كلها وجه دوري في الكشف وقررت ادخل من غير كمامة وهنا كانت اللقطة الدكتور  قعد يفحص أشعة الرنين والتحاليل حاول ياخد الموضوع بهزار حول الأشعة وبعدين قالي انت محتاجة دكتور متخصص روماتيزم وكتب علي شوية مسكنات ومكملات غذائية وقالي خدي فلوسك وانت خارجة ، قولتله لا يادكتور كفاية وقتك وانك نازل للمرضي في الوقت ده اصر علي اني  اخد تمن الكشف ، ونادي علي السكرتارية قالها اديها تمن الكشف ورشحلي د.روماتيرزم بس للاسف واخده اجازة بسبب الكورونا 😢😢
الخلاصة إن في دكاتره كتير لسه عندهم ضمير والماديات عندهم مش غاية

وفي الأزمة اللي احنا فيها حاليا الاطباء هم خط الدفاع الاول ياريت الدولة تهتم بإعادة النظر في أوضاعهم نفهم  أن زيادة ميزانية البحث العلمي والصحة من الاولويات
#يوميات_مواطن_وصحفي_وأم
#ضمير_طبيب
#الاطباء_الجنود_في_معركة_الكورونا
#شوية_ايجابيات